Ég á svo bágt...

... með að fatta sálarlíf fólks sem virðist hafa það að áhugamáli að finna allt það neikvæða í kringum sig, leggja verulega ríka áheyrslu á það og passa virkilega vel upp á að allir aðrir í kring fái alveg örugglega að fylgjast með því öllu... í beinni og helst aftur og aftur...Ekki reyna að finna neitt jákvætt við neitt eða neinn... ekki gleðjast yfir neinu... ekki þakka neitt... Það má ýmislegt um mig segja bæði gott og svo verra, en andskotakornið að ég stundi svoleiðis rugl... Mér sjálfri mundi leiðast ég sjálf svo svakalega og það gengur ekki vegna þess að ég sit uppi með mig og ég nenni ekki að láta mér leiðast ! Gott rak ?Annars góð og nenni ekki að velta mér upp úr svona liði... reyni eins og ég get að umgangast það bara sem minnst, ef tilraunir mínar til að vekja það aðeins til jákvæðni bera alls engan árangur... Ég er ekkert alltaf þolinmóð en ég er þolgóð... gefst ekkert svo auðveldlega upp en svona fólk fær mig til að viðurkenna vanmátt minn... sem mér hefur nú að vísu stundum fundist bara vera setningin "að gefast upp" klædd í sparifötMottóið mitt: Eftir því sem ég best veit þá lifi ég bara einu sinni og ætla að hafa gaman og láta mér og helst sem flestum í kringum mig líða vel, svona rétt á meðan...Þurfti niður í miðbæ í gær, ætlaði að kaupa mér skófatnað sem er sérhannaður í þetta vetrarfæri hérna á norðurhjaranum, á bara svona skvísustígvél með algerlega rennisléttum botnum, af því að botninn datt úr kuldastígvélunum mínum... bókstaflega ! Það er ekki hægt að leggja alveg við búðina sem ég ætlaði í svo ég þurfti að skrönglast... á mínum flughálu skvísustígvélum... eftir ósléttum gangstéttum fóðruðum með svelli, langar leiðir að búðinni til þess eins að lesa á miða á hurðinni að það væri lokaðSkriplaði aftur alla leið að bílnum og skil ekki hvernig mér tókst að halda mér uppréttri... vona bara að það gangi þá jafnvel seinna í dag þegar ég prófa aftur...

Talandi um skó, það var verið að tala við sprenglærðan stjórnmálafræðing á Bylgjunni í gær um Icesave, hann var á móti því að samningurinn væri samþykktur og sagði að ef svo færi, þá yrði íslenska þjóðin "bundin í báða enda" Datt í hug uppáhaldsvinkona mín hún Bibba á Brávallagötunni...

Eigið góðan dag elskurnar mínar og munið að jákvæðni og bros kosta ekkert en það er hægt að græða heilmikið á því að nota það

Athugasemdir

[Ragna Birgisdóttir (IP-tala skráð) 29.12.2009 kl. 09:50]

Datt í hug spotti úr afturendanum og kollinum á okkur og við festar við staurVið gefum bara sk..í þessa neikvæðni og höldum okkar striki eins og við höfum alltaf gert í gegnum okkar líf.Knús norður úr kuldanum á mínum sló´ðum elskulega norðanmær.

[Ásthildur Cesil Þórðardóttir, 29.12.2009 kl. 12:13]

Vonandi komumst við upp úr þessum öldudal.  Versta er að ég hef misst alla trú á stjórnvöldum, bæði stjórn og andstöðu, nema Hreyfingunni.  Það er komið nóg af eiginhagsmunagæslu og verndun vina og ættingja á kostnað okkar hinna. En ég skal samt reyna að brosta Jónína mín.

[Erna Evudóttir, 29.12.2009 kl. 14:38]

Bundin í báða enda, bara fyndið

[Jóhanna Pálmadóttir, 29.12.2009 kl. 16:13]

Oh þetta var svo leiðinlegt blogg maður, gvöð hvað allt er leiðinlegt, sko ég skal sko segja þér hvað er að þessu þjóðfélagi...hahahahaha
Djók, þetta er yndislegt líf, þú ert yndisleg, ég ELSKA þennan litla snjó sem er hjá mér, það snjóaði ídag, sem er frábært, ætla að borða svakalega góðar pylsur í kvöldmat, þú ert yndisleg og það er alltaf svo gaman að lesa það sem þú skrifar!!! ÉG ELSKA LÍFIÐ!!!

[Jónína Dúadóttir, 29.12.2009 kl. 19:08]

Ragna mín: Nei við erum sko ekkert með neitt neikvæðniskjaftæðiKnús til baka úr stóra snjóskabblinum kæra vina

[Jónína Dúadóttir, 29.12.2009 kl. 19:10]

Ásthildur mín: Þú ert hetja elskuleg

[Jónína Dúadóttir, 29.12.2009 kl. 19:11]

Erna mín: Já Bibba á Brávallagötunni hefði alveg getað sagt þetta

[Jónína Dúadóttir, 29.12.2009 kl. 19:16]

Jóka mín: Hvernig dettur þér í hug að hafa pylsur í matinn ?Er ekki allt í lagi með þig....Nei djók.... þú þarna ofvirknisjákvæða skellibjallan mínÞú ert  líka yndisleg elsku litla systirin mín

[, 29.12.2009 kl. 20:13]

Sumir ruglast greinilega meira en aðrir - "bundin í báða enda"   Segi eins og þú - nenni ekki að vera með neikvæðu fólki og er að reyna að vera ægilega jákvæð sjálf

[Jónína Dúadóttir, 29.12.2009 kl. 21:12]

Dagný mín: ... og þú stendur þig mjög vel